Ade ma cua ca’u

Na ntika au ku nonto ma samonto ndi eda ra iu, ake lai na nonto ma loa mu ndi eda kai mada ndai ta ma more ra nggini, ndi ma loa na eda ake kani mada ade mpoa pa. nonto ake ede du nonto ade ndaiku lao amancawa meci ma maci ma wara ndi sabae wela na doro nae kala ma wontu kai ma liro.

Eli na ma alu ma ntika lora, ndi ma ka mai ade ma nee ncau ringa eli na. na ede ra sodi mu bune ku nara ra sara na, ba ndai ku na wati pu rumpa sa tando angi kai amancawa meci ku ede. Pala na wau ra sara ra rumpa kai ai pu ini ra pidu mba’a na ma wau ra lalo. Ntika ade na, na loa ku ka wontu bune ntika pahu na.

Hmhmmh … na mbuhu au ku nee ku tunti ai nai na ake, poro ra sara na nee ku nggahi ake ede du wati nee ku mbora ra lao na amancawa meci ku ake.

Wara ku ra nggahi ra eli pila nai na ma ulu, ba ndai ku wara arie toi ma sodi. Na bune ku ade ra iu ta nggara na weha si ba dou, amancawa meci ta aka?. Na neo ndede pa cambe ku re “de ti bune na arie, kombi ede pa sena ra ca’u kai na. mori ku nahu sura pa sena na ti du wara na nee ku makalai ba ede”. Inae … de tiwara cambe kai makalai, taho ja ra cambe ta kandede ni mada si ka haba ra cengga ku dou ma campa ku lao sia … ndede wali ku nggahi na re …

Hmhmhmhmhmhm … kanggela ma tolu – upa nai na ba ra nggahi ra rawi ede, na wara lalo pa ngoa ba amancawa meci ku ede na wara ra sanoa kai ma dou ma ntua na dou ndi ka cua eda angi kai na … ade ku na tampu’u ra bibi, ronggo na wedu ra ndai na … na poda pa nggahi ku ma ulu na ti bune na lao na makalai nggara na sena ra ca’u si, pala ake na tani ba ade ku ru’u kantudu au ra sara ra kalosa ku eli edi. Wati ra nee poda ku mbora ra lao na amancawa ku ake … au ncau kombi ndi karawi ra uri na ka karawi ra kawara wea ku saraa na … lao na wati cau ku nggahi mpoa ku, ka nee ku kantudu ra kapahu au ra nggahi ku …